Тема - Gögüň ýedi gatynda

Gögüň ýedi gatynda

Hudaýata mündüm,
Hyýalatymda
Ol meni aýlady ýedi gat Göge.
Hikmeti ne munuň?
Bu mümkinçilik
Maňa rowamyşyn nä ala-böle...

Eý, Beýik Biribar,
Gudratyňa aňk boldum,
Akyl uçdy, gözüm çykdy,
Dilim lal,
Gulagym ker...
Diňe duýýanymy duýýan...

Duýdum gökde mekan tutan
hupbulwatan perişdeleň
Bürgütdigini,
Hüýrlerdigini,
Guşlardygyny,
Çagadygyny,
Adamdygyny...

Soň başym aýlandy,
Gamaşdy gözüm,
Soňlandy sözüm,
Ýitirdim özüm.
Ýedi gat Gökde
Düýş görüpdirin.

Birinji gat - ýaşyl zümerretmişin,
Ikinji gat - kümüşmiş,
Üçünji gat - ýakutmyşyn gym-gyzyl.
Dördünji gat - bürünçmiş,
Bäş - gök tyllamyş.
Alty - sary ýakut,
Ýedinji gat gök nurmuş...

Birden huşa geldim,
Ýöne gulakda –
Esmaýylyň, Derdaýylyň,
Salsaýylyň, Surýaýylyň,
Hanbajaýylyň,
Semnahaýylyň,
Baýhaýylyň owazy ýaňlanýardy.

Kalbyma kümüş çaýylan,
Ýüregim – ýaşyl zümerret.
Göwnüme ýakut garylan,
Gök nura ezilmek lezzet.

Soň Hudaýat getirende zemine
Kalbym köräpdi.
Ýüzüm sypaýardy,
Ezkiýanyň, Erfelunyň şemaly,
Göwnümi göterýärdi,
Magunyň mukamy,
Sefaýylyň senasy,
Ümsümlige goýýardy,
Rafykanyň ryzasy,
Garybanyň güzaby...

08 - 11.08.2025ý.
Gurbanmyrat Saryýew

Подраздел: Goşgular
Раздел: Bloglar

Файлы темы